మున్సిపల్‌ ఎన్నికలపై సీఎం రేవంత్‌ రెడ్డి జూమ్ మీటింగ్.. ఇన్‌ఛార్జ్ మంత్రులకు కీలక సూచనలు

దిశ‌, వెబ్ డెస్క్: మున్సిప‌ల్ ఎన్నిక‌ల‌పై సీఎం రేవంత్ రెడ్డి అమెరికా నుండి సమీక్ష నిర్వ‌హించారు. పీసీసీ చీఫ్ మ‌హేశ్ కుమార్ గౌడ్ జూమ్ మీటింగ్ ఏర్పాటు చేయ‌గా అందులో సీఎం పాల్గొన్నారు. ఈ జూమ్ మీటింగ్ లో జిల్లాల ఇన్ ఛార్జ్ మంత్రులు, రాష్ట్ర కాంగ్రెస్ ఇన్ ఛార్జ్ మీనాక్షి చౌదరి పాల్గొన్నారు. మున్సిపల్ ఎన్నికల నివేదికను సీఎంకు వివరించారు. ఈ సందర్భంగా ఎన్నికలపై సీఎం మంత్రులకు దిశానిర్దేశం చేశారు. 90శాతం స్థానాలను కాంగ్రెస్ కైవసం చేసుకోవాలని టార్గెట్ నిర్దేశించారు. రెబల్స్ బెడద లేకుండా జాగ్రత్తలు తీసుకోవాలని సూచించారు. ఇదిలా ఉంటే రాష్ట్రంలో ఫిబ్రవరి 11న ఎన్నికలు జరగనున్నాయి. ఈ నెల 28న నామినేషన్ల ప్రక్రియ మొదలవ్వగా జనవరి 30న ముగిసింది. రాష్ట్రంలో మొత్తం 7 మున్సిపల్ కార్పొరేషన్లు, 116 మున్సిపాలిటీలకు ఎన్నికలు జరగనున్నాయి. 2,996 వార్డులకు పోటీ జరగనుంది.