తెలంగాణ లా సెట్ టాపర్… బోథ్ గ్రామానికి గర్వకారణం!

దిశ, బోథ్ : తెలంగాణ లా సెట్ ప్రవేశ పరీక్ష కు సంబంధించిన ఫలితాలు బుధవారం వెలుపడ్డాయి. అయితే లా సెట్ ప్రవేశ పరీక్షకు సంబంధించిన ఫలితాలలో బోథ్ గ్రామానికి చెందిన ఎల్కూచి రుతిక రాష్ట్రంలోనే మొదటి ర్యాంక్ సాధించి ప్రభంజనం సృష్టించింది. వివరాల్లోకి వెళితే బోథ్ గ్రామానికి చెందిన ఎల్కూచి రాజశేఖర్ కూతురు అయిన ఎల్కూచి రుతిక లా సెట్ ప్రవేశ పరీక్షలో రాష్ట్ర స్థాయిలో నిర్వహించిన ప్రవేశ పరీక్షలో 120 మార్కులకు గాను 85 మార్కులు సాధించి రాష్ట్రంలోనే మొదటి ర్యాంక్ సాధించింది. ఈ సందర్భంగా మాట్లాడుతూ రాష్ట్ర స్థాయిలో మొదటి ర్యాంక్ రావడం పట్ల చాలా సంతోషంగా ఉందని అన్నారు. ఈ సందర్భంగా మొదటి ర్యాంకు సాధించిన రుతిక కు గ్రామస్తులు, కుటుంబ సభ్యులు, స్నేహితులు అభినందించి శుభాకాంక్షలు తెలిపారు.