22 చోట్ల ఏకైక అతిపెద్ద పార్టీగా బీజేపీ: రాంచందర్ రావు

దిశ, వెబ్‌డెస్క్: తెలంగాణ మున్సిపల్ ఎన్నికల్లో బీజేపీ(Telangana BJP) ప్రదర్శనను సమీక్షించి, భవిష్యత్ కార్యాచరణను రూపుదిద్దుకోవడానికి ఇవాళ హైదరాబాద్‌లోని పార్టీ రాష్ట్ర కార్యాలయంలో ఆ పార్టీ అధ్యక్షుడు రాంచందర్ రావు(Ramchander Rao) విస్తృతస్థాయి సమీక్షా సమావేశం నిర్వహించారు. ఈ సందర్భంగా రాంచందర్ రావు మాట్లాడుతూ.. రాష్ట్రవ్యాప్తంగా బీజేపీ ఉత్సాహవంతమైన మరియు ప్రోత్సాహకరమైన ప్రదర్శన కనబర్చింది. కరీంనగర్ మున్సిపల్ కార్పొరేషన్‌లో మేయర్ మరియు డిప్యూటీ మేయర్ పదవులను గెలుచుకుంది. ఇది తెలంగాణలో తొలి బీజేపీ మేయర్ కావడం విశేషం. భైంసా మున్సిపాలిటీలో చైర్మన్ పదవిని సాధించింది. నారాయణపేట మున్సిపాలిటీలో చైర్మన్ మరియు వైస్ చైర్మన్ పదవులను గెలుచుకుంది. గత మున్సిపల్ ఎన్నికలతో పోలిస్తే మొత్తం ఓటు శాతం పెరుగుదల నమోదు చేసింది. 123 మున్సిపాలిటీలలో 22 చోట్ల ఏకైక అతిపెద్ద పార్టీగా అవతరించింది. ఇది పట్టణ ప్రాంతాల్లో బీజేపీ బలవృద్ధిని స్పష్టంగా ప్రతిబింబిస్తుందని రాంచందర్ రావు వెల్లడించారు. ఈ సమావేశంలో బీజేపీ కీలక నేతలు పాల్గొన్నారు.