Breaking News : 2008 డీఎస్సీ బాధితులకు నియామక పత్రాలు

దిశ, వెబ్ డెస్క్ : తెలంగాణ సర్కార్(Telangana Govt) 2008 డీఎస్సీ బాధితులకు గుడ్ న్యూస్ తెలిపింది. 2008 డీఎస్సీ(2008 DSc) బాధితులకు కాంట్రాక్టు టీచర్(Contract Teachers)​ఉద్యోగాలు కల్పిస్తూ ప్రభుత్వం ఉత్తర్వులు జారీ చేసింది. 1382 మందికి కాంట్రాక్టు విధానంలో ఉద్యోగం కల్పిస్తూ స్కూల్​ఎడ్యుకేషన్​డైరెక్టర్​ఈవీ నర్సింహరెడ్డి శుక్రవారం రాత్రి ఉత్తర్వులు జారీ చేశారు. వీరి కాంట్రాక్టు విధానంలో ప్రతి నెల రూ.31040 వేతనంలో నియమించనున్నట్లుగా ఉత్తర్వుల్లో పేర్కొన్నారు. వీరి సర్వీసు ప్రతి సంవత్సరం విద్యా సంవత్సరం చివరి రోజును ముగిసి తదుపరి విద్యాసంవత్సరం ప్రారంభం నుంచి విద్యాశాఖ అవసరాలకు అనుగుణంగా నియామకం చేసుకుంటారు. వీరికి ఉద్యోగాలు కల్పించనున్నట్లుగా కాంగ్రెస్​పార్టీ ఎన్నికల సమయంలో హామీ ఇచ్చింది. వీరికి ఉద్యోగాలు కాంట్రాక్టు విధానంలో ఇవ్వాలంటూ ప్రభుత్వం క్యాబినెట్​లో నిర్ణయం తీసుకున్నది. దానికి అనుగుణంగా పాఠశాల విద్యా శాఖ ఉత్తర్వులు జారీ చేసింది. గత బీఆర్ఎస్​ ప్రభుత్వాన్ని వీరు ఎన్ని సార్లు వేడుకున్న స్పందించలేదు. దీంతో వీరు కోర్టును ఆశ్రయించారు. వీరికి ఉద్యోగాల ఉత్వర్వులు ఇవ్వాలంటూ కోర్టు ఆదేశాలు జారీ చేసింది.