TS: పదో తరగతి విద్యార్థుల జవాబు పత్రాలు మాయం

దిశ, వెబ్‌డెస్క్: టీఎస్‌పీఎస్‌సీ ప్రశ్నాపత్రాల లీకేజీ వ్యవహారం రాష్ట్రాన్ని కుదిపేస్తున్న తరుణంలో తెలంగాణలో మరో సంచలన ఘటన చోటుచేసుకుంది. ఆదిలాబాద్ జిల్లా ఊట్నూరులో పదో తరగతి విద్యార్థుల జవాబు(ఆన్సర్) పత్రాలు అదృశ్యమవడం కలకలం రేపుతోంది. పరీక్షా కేంద్రం నుంచి ఓ ఆటోలో ఆన్సర్ పేపర్ల బండిల్స్ తరలిస్తుండగా.. పోస్టాఫీస్‌కు చేరుకునేలోపు అందులోంచి ఒక బండిల్ మిస్ అయింది. ఆ బండిల్‌లో దాదాపు 30 మంది విద్యార్థుల జవాబు పత్రాలు ఉన్నట్లు సమాచారం. దీనిపై ఊట్నూరు మండల పోలీస్ స్టేషన్‌లో కేసు నమోదు అయింది.