TSPSC పేపర్ లీకేజీపై హైకోర్టులో మరో పిటిషన్

దిశ, డైనమిక్ బ్యూరో: టీఎస్ పీఎస్సీ పేపర్ లీకేజీ కేసు విషయంలో తెలంగాణ హైకోర్టులో మరో పిటిషన్ దాఖలైంది. ఈ కేసు విచారణను సిట్ నుంచి సీబీఐకి బదిలీ చేయాలని కాంగ్రెస్ నేత బక్క జడ్సన్ హైకోర్టులో పిటిషన్ దాఖలు చేశారు. ఈ కేసును దర్యాప్తు చేస్తున్న సిట్ లీకేజీ మూలాల్లోకి వెళ్లడం లేదని అందువల్ల సీబీఐకి అప్పగించాలని పిటిషన్‌లో కోరారు. మరో వైపు ఈ కేసులో నెలలు గడుస్తున్నా పురోగతి కనిపించడం లేదని ప్రతిపక్షాలు విమర్శలు గుప్పిస్తున్నారు. ముఖ్యమంత్రి కనుసన్నల్లోనే సిట్ పని చేస్తోందని అసలు దోషులను వదిలేసి కింది స్థాయి ఉద్యోగుల వరకే దోషులుగా తేల్చే ప్రయత్నాలు జరుగుతున్నాయని ప్రతిపక్షాలు మండిపడుతున్నాయి.