సింగరేణి థర్మల్ పవర్ ప్లాంట్ కాంట్రాక్ట్ కార్మికుని మృతి

దిశ, మంచిర్యాల : మంచిర్యాల జిల్లా జైపూర్ మండలంలోని సింగరేణి థర్మల్ పవర్ ప్లాంట్ లో విధి నిర్వహణలో కాంట్రాక్ట్ కార్మికుడు ప్రాణాలుకోల్పోయాడు. డోజర్ రిపేర్ చేస్తుండగా జరిగిన ఈ ప్రమాదంలో ఎలుకపల్లి మోహన్ అనే మెకానిక్ కు తీవ్ర గాయాలు కావడంతో హుటాహుటిన అధికారులు, తోటి కార్మికులు మంచిర్యాలలోని ఓ ప్రైవేట్ ఆసుపత్రికి తరలించారు. అప్పటికే పరిస్థితి విషమించడంతో డాక్టర్ లు మెరుగైన వైద్యం కోసం కరీంనగర్ కు పంపించారు. కాగా కార్మికుడు చికిత్స పొందుతూ మరణించినట్టు తెలిపారు. ప్రమాదానికి గల కారణాలపై అధికారులు విచారణ చేపట్టినట్లు తెలిపారు.