Congress : కులగణన అభిప్రాయ సమావేశంలో రభస

దిశ, ఆసిఫాబాద్ : ఆసిఫాబాద్ జిల్లాలోని రోజ్ గార్డెన్ లో శనివారం కాంగ్రెస్ పార్టీ నిర్వహించిన కులగణన అభిప్రాయ సేకరణ సమావేశం ఆ పార్టీ కార్యకర్తల మధ్య గొడవకు దారితీసింది. డీసీసీ అధ్యక్షుడు విశ్వప్రసాద్, కాంగ్రెస్ నేత శ్యాంనాయక్ వర్గాల మధ్య వాగ్వాదం పెరగడంతో ఒకరిపై మరొకరు కుర్చీలు విసురుకున్నారు. ఆపై దాడులు చేసుకోవడంతో ఓ కార్యకర్తకు గాయాలయ్యాయి. దాంతో పోలీసులు కల్పించుకొని శ్యాంనాయక్ వర్గీయులను సమావేశం నుంచి బయటకు పంపించారు. దీంతో వారు రోడ్డు పై బైఠాయించి విశ్వప్రసాద్ కు వ్యతిరేకంగా నినాదాలు చేశారు.