BEJJUR PACS : బెజ్జూర్ పీఏసీఎస్ లో ముగ్గురు సస్పెన్షన్

దిశ, బెజ్జూర్ : బెజ్జూరు ప్రాథమిక వ్యవసాయ సహకార సంఘంలో (BEJJUR PACS)జరిగిన అవినీతి అక్రమాలపై ఆ శాఖలో పనిచేస్తున్న కార్యదర్శులు జక్కుల వెంకటేశ్వర్ గౌడ్, పర్శ సంజీవ్ తో పాటు డేటా ఆపరేటర్ మహేష్ లను సస్పెండ్​ (Suspend)చేస్తూ ఉత్తర్వులు జారీ చేసినట్లు జిల్లా సహకార అధికారి బిక్కు రాథోడ్ పేర్కొన్నారు.

బెజ్జూరు సహకార సంఘంలో సుమారు రూ.నాలుగు కోట్ల అవినీతిపై లెక్క తేలకపోవడంతో సస్పెన్షన్ ఉత్తర్వులు జారీ చేశారు. ఈ విషయమై సహకార అధికారిని సంప్రదించగా జీఓ 44 ప్రకారం సొసైటీలో విధులు నిర్వహించే ముగ్గురు ఉద్యోగులను సస్పెన్షన్ చేయాలని సొసైటీ తీర్మానం చేయాల్సి ఉంటుందని, దీంట్లో భాగంగానే సహకార సంఘానికి ఉత్తర్వులు జారీ చేశామని ఆయన పేర్కొన్నారు.