బాసర సరస్వతి ఆలయంలో సినిమా ప్రముఖుల సందడి

దిశ, భైంసా : నిర్మల్ జిల్లా బాసర జ్ఞాన సరస్వతి అమ్మవారిని ఆదివారం తెలుగు సినీ ప్రముఖులు దర్శించుకున్నారు. నిర్మాత దిల్ రాజు, సినీ నటుడు, రచయిత తనికెళ్ల భరణి అమ్మవారిని కుటుంబ సమేతంగా దర్శించుకున్నారు. దిల్ రాజు కుటుంబ సభ్యులు వేదభారతి పీఠం సందర్శించారు. ఈ సందర్భంగా వైదిక బృందం పూర్ణకుంభంతో స్వాగతం పలికారు. వేదభారతి పీఠం వ్యవస్థాపకులు వేద విద్యానంద స్వామీజీ పూజా కార్యక్రమాలు నిర్వహించారు. అలాగే తనికెళ్ల భరణి మనువడు సర్వజ్ఞ కు అక్షరాభ్యాసం చేయించారు. ఆలయ మర్యాదాలతో దేవస్థాన అధికారులు వారికి తీర్థప్రసాదాలు అందజేశారు.