సమీకృత కలెక్టరేట్ నిర్మాణ పనులు పూర్తిచేయాలి..

దిశ, తాండూర్ : సమీకృత కలెక్టరేట్ భవన నిర్మాణ పనులను త్వరితగతిన పూర్తి చేసి ప్రారంభానికి సిద్ధం చేయాలని కుమురంభీం ఆసిఫాబాద్ జిల్లా కలెక్టర్ బొర్కడే హేమంత్ సహదేవరావు అన్నారు. జిల్లా కేంద్రంలో నిర్మిస్తున్న సమీకృత కలెక్టరేట్ భవన నిర్మాణ పనులను కలెక్టర్ శుక్రవారం పరిశీలించారు. కలెక్టర్ మాట్లాడుతూ ప్రజలకు ప్రభుత్వ సేవలను ఒకే చోట లభించాలనే ఉద్దేశంతో ప్రభుత్వం సమీకృత కలెక్టరేట్ నిర్మాణాన్ని చేపట్టిందన్నారు.

ప్రహరీ గోడ, రోడ్ల విద్యుత్, ఫర్నిచర్ పనులు పూర్తి చేయాలని సూచించారు. మహిళ ఉద్యోగుల పిల్లల పర్యవేక్షణకై శిశు సంక్షేమ శాఖ ఆధ్వర్యంలో ప్రత్యేక గదిని ఏర్పాటు చేసి అధికారులను నియమిస్తామన్నారు. ఆహ్లాదకరమైన వాతావరణం కోసం ఉద్యానవనం ఏర్పాటు చేసి పూలమొక్కలు నాటి సంరక్షించాలని సూచించారు. కలెక్టర్ వెంట సంబంధిత అధికారులు, కాంట్రాక్టర్ ఉన్నారు.