పోలీసుల పట్ల దురుసు ప్రవర్తన.. వ్యక్తికి జైలు శిక్ష

దిశ, తెలంగాణ క్రైమ్ బ్యూరో: పోలీసుల విధులకు ఆటంకం కలిగించటంతో పాటు వారి పట్ల దురుసుగా ప్రవర్తించిన వ్యక్తికి జైలు శిక్ష పడింది. కొంతకాలం క్రితం కార్ఖనా స్టేషన్ పరిధిలో ముందస్తు అనుమతి లేకుండా బ్యాండ్ బాజాలతో బారాత్ తీస్తుండగా పోలీసులు అడ్డుకున్నారు. ఆ సమయంలో ఉప్పల్‌కు చెందిన శ్రవణ్ (27) అనే వ్యక్తి పోలీసులను అడ్డుకోవడంతో పాటు వారిపట్ల దురుసుగా ప్రవర్తించాడు. దాంతో పోలీసులు అతనిపై సీపీ యాక్ట్ సెక్షన్ 70 ఏబీసీతో పాటు ఐపీసీ సెక్షన్ 186 ప్రకారం కేసులు నమోదు చేశారు. ఈ కేసును విచారించిన సికింద్రాబాద్ 13వ స్పెషల్ ఎంఎం కోర్టు అతనికి 10 రోజుల జైలు శిక్ష, రూ.650 జరిమానా విధించింది.