అమ్మవారి ఆలయంలో అద్భుతం.. శివరాత్రి రోజు నాగుపాము పత్యక్షం

దిశ, వెబ్ డెస్క్: యాధృశ్చికమో.. అద్భుమో తెలియదు గాని ఆలయంలో నాగుపాము ప్రత్యక్షమైంది. అది కూడా మహాశివరాత్రి రోజు జరగడంతో విశేషంగా మారింది. తెలంగాణ రాష్ట్రం నిర్మల్ జిల్లా దస్తురాబాద్ మండలం గొడిసెర్యాల గ్రామంలో రాజా రాజరాజేశ్వర స్వామి ఆలయంలో మహా శివరాత్రి వేడుకలు వైభవంగా జరిగాయి. భక్తులు భారీగా తరలివచ్చి అమ్మవారి పూజలో పాల్గొన్నారు. పాత మొక్కులు తీర్చుకుని కొత్తవి కోరుకున్నారు. అయితే శివపార్వతుల కల్యాణం జరుగుతున్న సమయంలో మాత్రం ఓ అద్భుతం జరిగింది. ఒక్కసారిగా ఆలయ ప్రాంగణంలో నాగుపాము ప్రత్యక్షమైంది. అంతేకాదు పడగ విప్పి భక్తులను అలానే చూస్తూ బుసలు కొట్టింది. దీంతో భక్తులు దేవతా సర్పం అంటూ స్వయంగా శివపార్వతుల కల్యాణం చూసేందుక వచ్చిందంటూ భక్తి భావనలతో పొగిపోయారు. కొంతసమయం తర్వాత పాము స్థానకంగా ఉన్న చెట్ల పొదల్లోకి వెళ్లింది. పాము వీడియోను భక్తులు సోషల్ మీడియాలో పోస్ట్ చేశారు.

నాగుపాము ప్రత్యక్షం... వీడియో వైరల్