ఈటలపై ఓయూ పీఎస్లో ఫిర్యాదు
దిశ, తెలంగాణ బ్యూరో: బీజేపీ ఎమ్మెల్యే ఈటల రాజేందర్పై వెంటనే క్రిమినల్ కేసు ఫైల్ చేయాలని ఉస్మానియా యూనివర్సిటీ పోలీస్స్టేషన్లో ఫిర్యాదు నమోదైంది. మునుగోడు ఉప ఎన్నికల్లో కేసీఆర్ కాంగ్రెస్ కు రూ.25 కోట్లు ఇచ్చారని ఈటల రాజేందర్ తప్పుడు ఆరోపణలు చేశారని, దీన్ని సీరియస్గా తీసుకొని కేసు నమోదు చేయాలని టీపీసీసీ జనరల్సెక్రటరీ చరణ్ కౌశిక్ యాదవ్ శనివారం రాతపూర్వకంగా ఫిర్యాదు చేశారు.ఎ లాంటి ఆధారాలు లేకుండా పార్టీలపై తప్పుడు ప్రచారం చేయడం సరికాదన్నారు.
దీని వలన సుమారు 40 లక్షల మంది కార్యకర్తల మనోభావాలు దెబ్బతింటున్నాయని స్పష్టం చేశారు. ఉద్దేశ్యపూర్వకంగా ఈటల రాజేందర్ కాంగ్రెస్ పార్టీ మనోభావాలు దెబ్బతీసే విధంగా మాట్లాడుతున్నారన్నారు. పార్టీ, కార్యకర్తలను అవమానించినందుకు ఈటల రాజేందర్ పై వెంటనే చట్ట ప్రకారం చర్యలు తీసుకోవాలని కోరారు.
Next Story
