పోలీసు శాఖలో కీలక పరిణామం.. కన్ఫర్డ్ ఐపీఎస్‌లుగా ఆ నలుగురు అధికారులు

దిశ, వెబ్‌డెస్క్: తెలంగాణ పోలీసు శాఖలో కీలక పరిణామం చోటుచేసుకుంది. ఈ మేరకు నలుగురు పోలీసు ఉన్నతాధికారులను కన్ఫర్డ్ ఐపీఎస్‌లుగా ప్రమోట్ చేస్తూ కేంద్ర హోంశాఖ కీలక ఉత్తర్వులు జారీ చేసింది. ఈ జాబితాలో సీహెచ్. సమయ్ జాన్‌రావు, ఎస్.శ్రీనివాస్, కె.గుణశేఖర్, డి.సునీత ఉన్నారు. అయితే, 1955లోని సబ్-రెగ్యులేషన్ (3) ఆఫ్ రెగ్యులేషన్ 7 ప్రకారం.. ఈ నెల 24న యూనియన్ పబ్లిక్ సర్వీస్ కమిషన్ ఆధ్వర్యంలో జరిగిన సెలెక్ట్ కమిటీ సమావేశంలో ఈ నిర్ణయం తీసుకున్నట్లుగా కేంద్ర హోంశాఖ ప్రిన్సిపల్ సెక్రటరీ చందన్ కుమార్ తాజాగా ఉత్తర్వులు జారీ చేశారు.