ఇండియన్ మార్కెట్ లోకి రెడ్ మీ 15.. ధర, ఫీచర్స్ వివరాలు ఇవే

దిశ, వెబ్ డెస్క్: ప్ర‌ముఖ మొబైల్ ఫోన్ బ్రాండ్ రెడ్ మీ ఇండియ‌న్ మార్కెట్‌లోకి రెడ్ మీ 15 మోడల్‌ను విడుదల చేసింది. రెడ్ మీ 13 యొక్క అప్డేట్ వర్షన్‌‌గా రెడ్ మీ 15‌ను తీసుకువచ్చారు. ఈ ఫోన్‌లో Snapdragon 6s Gen 3 ప్రాసెసర్, 7000mAh బ్యాటరీ ఉంది. 6.9 అంగుళాల FHD+ డిస్‌ప్లే ఉంది. బ్యాటరీ లైఫ్ ఎక్కువ ఉండటంతో పాటు మంచి ప్రాసెసర్ ఉండటంతో ఇది గేమింగ్‌కు సపోర్ట్ చేస్తుంది. అంతే కాకుండా ఫోన్‌లో 6.9 అంగుళాల డిస్ ప్లే ఉండటం వల్ల వీడియోలు చూసేందుకు ఉపయోగపడుతుంది. ఈ ఫోన్ ఆండ్రాయిడ్ 15తో హైపర్ ఓఎస్ 2తో వస్తోంది. కాబట్టి డేటా సెక్యురిటీలోనూ ఈ మోడల్ బెస్ట్ అనే చెప్పాలి.

కెమెరాల విషయానికి వస్తే 50 మెగాపిక్సల్ డ్యూయల్ ప్రైమరీ కెమెరాను కలిగి ఉంది. దీంతో పాటు ఏఐ స్కై, ఏఐ ఎరేస్, ఏఐ బ్యూటీ లాంటి అధునాతన ఆర్టిఫీషియల్ ఇంటిలెజెన్స్‌తో పనిచేసే కెెమెరా ఫీచర్లు ఉన్నాయి. ఈ మోడల్స్‌లో ఫ్రాస్టెడ్ వైట్, శాండీ పర్పుల్, మిడ్ నైట్ బ్లాక్ అనే మూడు రంగుల్లో ఫోన్లు ఉన్నాయి. ఇక ధర విషయానికి వస్తే ఈ ఫోన్ మూడు వేరియంట్‌లలో ఉంది. 6జీబీ ర్యామ్, 128జీబీ ఇంటర్నల్ మెమోరీ ఉన్న మోడల్‌కు రూ.14,999లుగా ఉంది. 8GB + 128GB రూ.15,999, మరియు 8GB + 256GB రూ.16,999లుగా ఉంది. రెడ్ మీ 15 ఫోన్ బ్రాండ్ స్టోర్లతో పాటు ఇతర ఈకామ్ వెబ్ సైట్స్‌లలో అందుబాటులో ఉన్నాయి. రెడ్ మీ అఫీషియల్ వెబ్ సైట్‌లోనూ ఈ మోడల్ అందుబాటులో ఉంది.