ఘనంగా శారదాపీఠాధిపతి జన్మదిన వేడుకలు

దిశ, విశాఖపట్నం: విశాఖ శ్రీ శారదా పీఠాధిపతులు శ్రీ స్వరూపానందేంద్ర సరస్వతి స్వామి పుట్టినరోజు వేడుకలు బుధవారం విశాఖలో ఘనంగా నిర్వహించారు. ఈ సందర్భంగా ఆయనను కలిసి రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు, విశాఖ పార్లమెంటు సభ్యులు ఎంవివి సత్యనారాయణ, ఇతర ప్రజా ప్రతినిధులు అభినందనలు తెలియజేశారు. అనంతరం స్వామి మాట్లాడుతూ… ఆదిశంకరాచార్యులు వల్ల ఈ పీఠం పురుడుపోసుకుందని, ఇది ఒక ఉపాసన పీఠమని, సుబ్రహ్మణ్యస్వామి నడయాడే పీఠమని తెలిపారు. భారతదేశంలో ఈ పీఠానికి ఎంతో మంది భక్తులు ఉన్నారని, తమ శిష్యులందరినీ శరీర అవయవాలుగా భావిస్తానని స్వరూపానంద పేర్కొన్నారు.