ఇంటర్ విద్యార్థిని అనుమానాస్పద మృతి..

దిశ, నారాయణఖేడ్: సంగారెడ్డి జిల్లా నారాయణఖేడ్ మండలం లోని లింగాపూర్ లో పదహారేళ్ల కుమ్మరి పుష్పలత అనే విద్యార్థిని అనుమానాస్పదంగా మృతి చెందింది. ఈమె ప్రస్తుతం శ్రీనివాస జూనియర్ కళాశాలలో ఇంటర్ మొదటి సంవత్సరం చదువుతోంది. ఆదివారం రాత్రి చాకలి పండరి అనే యువకుడి తో మాట్లాడుతోందని ఆమె తండ్రి మందలించాడు. దీంతో రాత్రి కి ఆమె ఇంటికి రాలేదు. కనిపించకుండా పోయిన పుష్పలత లింగాపూర్ గ్రామ శివారులో చెట్టుకు ఉరివేసుకుని కనిపించిందని స్థానికులు తెలిపారు. అయితే పుష్పలత ను హత్య చేసి, ఉరేసుకున్నట్టు చిత్రీకరించారని కుటుంబీకులు ఆరోపిస్తున్నారు. చాకలి పండరి పై వచ్చిన ఫిర్యాదు మేరకు కేసు నమోదు చేసినట్టు నారాయణఖేడ్ ఎస్ఐ వెంకటరెడ్డి తెలిపారు.