రజనీ ఎంట్రీ కోసం 20 ఏళ్లుగా ఎదురుచూశా : శ్రీరెడ్డి

దిశ, వెబ్‌డెస్క్: సూపర్‌స్టార్ రజనీకాంత్ పొలిటికల్ ఎంట్రీ ఎప్పుడెప్పుడా? అని ఎదురుచూస్తున్న అభిమానులకు నిరాశే మిగిలింది. డిసెంబర్‌లో పొలిటికల్ ఎంట్రీ ఉంటుందనుకున్నా.. అనారోగ్య కారణాలతో రాజకీయాల్లోకి రావట్లేదని ప్రకటించి షాక్ ఇచ్చాడు రజనీ. దీంతో తాజాగా ఓ అభిమాని తలైవా ఇంటి ముందు ఆత్మహత్యాయత్నం కూడా చేశాడు. ఈ క్రమంలో వివాదాస్పద నటి శ్రీరెడ్డి కూడా రజనీ పొలిటికల్ స్టేట్‌మెంట్‌పై స్పందించింది. సూపర్ స్టార్ నిర్ణయం తనను తీవ్రంగా నిరాశకు గురిచేసిందన్న శ్రీరెడ్డి.. రజనీ పార్టీ పెడతారని 20 ఏళ్లుగా వెయిట్ చేస్తున్నానని తెలిపింది. ఆ పార్టీలో జాయిన్ అయి ప్రజలకు సేవ చేయాలనుకున్నానని.. కానీ చివరకు ఇలా అయిందంటూ ఏడ్చేసింది.