LSG కోసం ఆ సిక్సుల వీరుడు వ‌స్తున్నాడు..ఇక టైటిల్ ప‌క్కా !

దిశ‌, వెబ్ డెస్క్‌: ఇండియన్ ప్రీమియర్ లీగ్ 2026 టోర్నమెంట్ కంటే ముందు లక్నో జట్టు కీలక నిర్ణయం తీసుకున్నట్లు తెలుస్తోంది. గత సీజన్ లో చాలా చెత్త ప్రదర్శన కనబరిచిన నేపథ్యంలో ఐపీఎల్ 2026 లో బాగా ప్రదర్శన చేయాలని ప్లాన్ చేస్తోంది. ఈ మేరకు సిక్సుల‌ వీరుడు యువరాజ్‌ సింగ్ ను బరిలోకి దింపేందుకు లక్నో యాజమాన్యం నిర్ణయం తీసుకుందట.

జస్టిన్ లంగర్ స్థానంలో లక్నో ( Lucknow Super Giants ) కోచ్ గా యువరాజ్ సింగ్ కు అవకాశం ఇచ్చేందుకు స్కెచ్ లు వేస్తున్నట్లు నేషనల్ మీడియాలో కథనాలు వస్తున్నాయి. యువరాజ్ సింగ్ ( Yuvraj Singh ) ఆధ్వర్యంలో కోచింగ్ తీసుకున్న గిల్, అభిషేక్ శర్మ ఉన్నత స్థాయికి ఎదిగారు. ఇలాంటి నేపథ్యంలో అతన్ని కోచ్ గా నియామకం చేయాలని లక్నో అనుకుంటుందట. దీని కోసం ప్రత్యేక ప్యాకేజీ కూడా మాట్లాడుతున్నారట. అయితే ఇంకా ఈ ఆఫర్ కు యువరాజు ఓకే చెప్పలేదని సమాచారం. అతడు గ్రీన్ సిగ్నల్ ఇస్తే అధికారిక ప్రకటన వచ్చే ఛాన్స్ ఉంది. ఇది ఇలా ఉండగా డిసెంబర్ 15వ తేదీన ఐపీఎల్ 2026 కు సంబంధించిన మినీ వేలం ముంబైలో జరగనుంది.