Viral Video: నాగసాధువులు, అఘోరాలు భార్యలనైనా వదులుతారు కానీ.. దానిని మాత్రం అస్సలు వదలరు.. ఫ్రూఫ్‌ ఇదిగో! (వీడియో)

దిశ, వెబ్ డెస్క్: Viral Video: హర హర మహాదేవ్ అన్న నినాదాల మధ్య బౌలర్ పరుగు తీస్తున్నాడు. బ్యాట్స్‌మన్ అద్భుతమైన షాట్ కొడుతున్నాడు. ఫీల్డర్లు చిరునవ్వుతో క్యాచ్ అందుకుంటున్నారు. ఇంతకి ఈ ఇంట్రెస్టింగ్‌ వీడియో మీరు చూశారా?

భారతీయుల రక్తంలో క్రికెట్ ఒక భాగమైపోయిందని చెప్పడంలో ఏమాత్రం అతిశయోక్తి లేదు. ఇది కేవలం ఒక ఆట కాదు, ఒక ఆరాధన, ఒక భక్తి, ఒక మతం. ఇప్పుడు ఈ క్రికెట్ ప్రేమకు సాక్ష్యం చెప్పే అద్భుతమైన దృశ్యం సోషల్ మీడియాలో వైరల్ అవుతోంది. అది మరేదో కాదు, నాగసాధువులు క్రికెట్ ఆడుతున్న వీడియో!

భారతదేశంలో ప్రతి 12 ఏళ్లకు ఒకసారి జరిగే మహా కుంభమేళా అంటే భక్తి, తపస్సు, సంస్కృతి... కానీ ఈసారి అక్కడ ఓ కొత్త సీన్ కనిపించింది.. నాగసాధువులు హడావిడిగా క్రికెట్ ఆడుతున్నారు! ఈ వీడియో చూసిన వారందరూ ఒకటే మాట చెబుతున్నారు.. "భారతీయుడు భార్యను వదిలేయగలడు, పిల్లలను వదిలేయగలడు, కానీ క్రికెట్‌ను వదలడు!" ఎందుకంటే మిగిలిన దేశాల్లో క్రికెట్ అంటే ఒక ఆట మాత్రమే, కానీ భారతదేశంలో ఇది ఒక ఆరాధన.

సాధారణంగా నాగసాధువులంటే శివభక్తులు, తపస్సులో లీనమై, బూడిదతో ఒంటిని పూసుకుని, దేహభోగాలను వదిలేసి, మోక్షాన్ని కోరుకునే వారు. కానీ క్రికెట్ ముందు వాళ్లకూ చేతులు, కాళ్లు ఊరుకొచ్చాయి. హర హర మహాదేవ్ అన్న నినాదాల మధ్య బౌలర్ పరుగు తీస్తున్నాడు. బ్యాట్స్‌మన్ అద్భుతమైన షాట్ కొడుతున్నాడు. ఫీల్డర్లు చిరునవ్వుతో క్యాచ్ అందుకుంటున్నారు. ఇక మీరే చెప్పండి.. నాగసాధువులైనా, అఘోరులైనా క్రికెట్‌ను ఎలా వదులుతారు?

క్రికెట్ అంటే ఒక మతం, ఒక విధానం. ప్రపంచంలోని మరే దేశంలోనూ ఒక ఆట మీద ఇంత మక్కువ ఉండదు. ఒక టీం ఓడినా వాళ్ల అభిమానులు ఏడుస్తారు. గెలిస్తే ఆ ఊర్లో పండుగ వాతావరణం. ఇప్పుడు దేవుళ్లకు అంకితం అయిన సాధువులు కూడా క్రికెట్ మైదానంలో ఉండగలిగితే, అది క్రికెట్ శక్తి ఎంతటి గొప్పదో చూపించే విషయమే! ఒక్క మాటలో చెప్పాలంటే ఎండా, వానా, భక్తి, తపస్సు... ఏది వచ్చినా భారతీయులకు క్రికెట్ అంటే క్రికెట్.