ఆ సీటుకు ధోనీ పేరు

న్యూఢిల్లీ : టీమ్ ఇండియా వన్డే వరల్డ్ కప్-2011 గెలిచి 12 ఏళ్ల అవుతున్నది. ఫైనల్ మ్యాచ్‌లో శ్రీలంకపై ధోనీ సిక్స్ కొట్టి జట్టుకు విజయాన్ని అందించిన క్షణాలను ఇప్పటికీ మర్చిపోలేం. 28 ఏళ్ల నిరీక్షణకు తెరదించుతూ ధోనీ బాదిన ఆ సిక్స్‌తో దేశం మొత్తం సంబరాల్లో మునిగిపోయింది. ప్రపంచకప్ గెలిచి 12 ఏళ్లు పూర్తవుతున్న సందర్భంగా ధోనీని గౌరవించాలని మహారాష్ట్ర క్రికెట్ అసోసియేషన్(ఎంసీఏ) నిర్ణయించింది. ముంబైలోని వాంఖడే స్టేడియంలో ఫైనల్ మ్యాచ్‌ జరిగిన విషయం తెలిసిందే. వాంఖడే స్టేడియంలోని ఓ సీటుకు ధోనీ పేరు పెట్టాలని ఎంసీఏ నిర్ణయం తీసుకుంది.

ధోనీ సిక్స్‌గా మలిచిన బంతి ఎక్కడైతే పడిందో ఆ సీటుకు మహేంద్రుడి పేరు పెట్టనున్నట్టు ఎంసీఏ అధ్యక్షుడు అమోల్ కాలే తెలిపాడు. ఈ కార్యక్రమానికి హాజరు కావాలని ధోనీని కోరామని, ఈ సందర్భంగా అతడిని సత్కరిస్తామని పేర్కొన్నాడు. కాగా, వాంఖడే స్టేడియంలో స్టాండ్స్‌లకు ఇప్పటికే దిగ్గజ క్రికెటర్లు సచిన్‌ టెండూల్కర్, సునీల్ గవాస్కర్, విజయ్ మర్చంట్ పేర్లు పెట్టగా.. స్టేడియం గేట్లకు పాలీ ఉమ్రిగర్‌, వినూ మన్కడ్‌ పేర్లు ఉన్నాయి.