రోహిత్ స్లిమ్ లుక్ అదుర్స్.. నెలరోజుల్లో 20 కేజీలు తగ్గిన హిట్‌మ్యాన్

దిశ, స్పోర్ట్స్: టీమిండియా వన్డే కెప్టెన్ రోహిత్ శర్మ కొత్తలుక్‌తో ఫ్యాన్స్‌ను ఆశ్చర్యపరిచాడు. అక్టోబరులో ఆస్ట్రేలియాతో జరిగే వన్డే సిరీస్‌కు సిద్ధం అవుతున్న రోహిత్.. ఇటీవల బీసీసీఐ నిర్వహించిన ఫిట్‌నెస్‌ టెస్టులో ఫుల్ మార్కులతో పాసైన సంగతి తెలిసిందే. దీనికోసం రోహిత్ ఏకంగా 20 కేజీల బరువు తగ్గి స్లిమ్‌గా, ఫిట్‌గా రెడీ అయ్యాడు. తాజాగా ఎయిర్‌పోర్టులో ఫుల్ బ్లాక్ డ్రెస్‌లో రోహిత్ ఉన్న ఫొటోలు బయటకు వచ్చాయి. ఇవి చూసిన ఫ్యాన్స్ ఆశ్చర్యపోయారు. రోహిత్ లుక్స్ అదిరిపోయాయని, ఈ వెర్షన్ అస్సలు ఊహించలేదని అంటున్నారు. ఎక్స్‌ట్రీమ్ డైట్ ఫాలో అయిన రోహిత్.. కేవలం నెలరోజుల్లోనే 20 కేజీల బరువు తగ్గడం గమనార్హం. అంతకుముందు 95 కేజీల బరువుండే అతను ఇప్పుడు 75 కేజీలకు చేరినట్లు తెలుస్తోంది.