పెళ్లి చేసుకున్న భారత క్రికెటర్.. వారణాసిలో అంగరంగ వైభవంగా వేడుక

దిశ, వెబ్‌డెస్క్: భారత యువ క్రికెటర్, ఫాస్ట్ బౌలర్ ఆకాశ్ దీప్ (Akash Deep) ఓ ఇంటివాడయ్యారు. ఆయన అక్షితా రాజ్ (Akshita Raj) అనే యువతితో కలిసి వివాహ బంధంలోకి అడుగుపెట్టారు. ఆధ్యాత్మిక నగరమైన వారణాసి (Varanasi)లోని ఓ ప్రముఖ హోటల్‌లో వీరి వివాహ వేడుక అత్యంత వైభవంగా జరిగింది. పెద్దలు కుదిర్చిన ఈ సాంప్రదాయ వివాహానికి సంబంధించిన వేడుకలు 2 రోజుల క్రితమే బీహార్‌లోని ఆకాశ్ దీప్ స్వగ్రామంలో ఘనంగా ప్రారంభమయ్యాయి. నిన్న వారణాసిలో బంధువులు, అత్యంత ఆత్మీయులు, స్నేహితుల సమక్షంలో వీరిద్దరి కల్యాణం సాంప్రదాయబద్ధంగా జరిగింది. ఈ వివాహ వేడుకకు పలువురు క్రికెటర్లు, ప్రముఖులు హాజరై నూతన వధూవరులను ఆశీర్వదించారు. అందుకు సంబంధించిన ఫోటోలు ప్రస్తుతం నెట్టింట్లో వైరల్‌గా అవుతున్నాయి.