బుమ్రా రికార్డు బద్దలు.. టి20 లో అర్షదీప్ సరికొత్త రికార్డు

దిశ‌, వెబ్ డెస్క్: భారత ఫాస్ట్ బౌలర్ అర్షదీప్ సింగ్ ( Arshdeep Singh) సరికొత్త చరిత్ర సృష్టించాడు. డేంజర్ బౌలర్ బుమ్రా రికార్డును బద్దలు కొట్టి, టీ20 వరల్డ్ కప్ చరిత్రలో సరికొత్త హిస్టరీ క్రియేట్ చేశాడు అర్షదీప్ సింగ్. సూపర్ 8 లో భాగంగా భారత్, జింబాబ్వేతో తలపడిన సంగతి తెలిసిందే. ఈ మ్యాచ్ సందర్భంగా జింబాబ్వేకు సంబంధించిన మూడు కీలక వికెట్లు పడగొట్టాడు అర్షదీప్ సింగ్. ఈ నేపథ్యంలోనే బుమ్రా రికార్డును బ్రేక్ చేశాడు అర్ష‌దీప్‌.

33 వికెట్లు సాధించిన భారత బౌలర్ బుమ్రా రికార్డును, 35 వికెట్లతో అధిగమించి మొదటి స్థానానికి చేరుకున్నాడు. 19 మ్యాచ్‌లలోనే అర్ష‌దీప్ సింగ్ ఈ ఘనత సాధించి చరిత్ర సృష్టించాడు. ఈ రికార్డు టీ20 వరల్డ్ కప్ చరిత్రలో అర్షదీప్ క్రియేట్ చేయగా... అంతర్జాతీయ క్రికెట్ లో 150 వికెట్ల మైలురాయిని కూడా దాటేశాడు. దీంతో అర్షదీప్ సింగ్ పై ప్రశంసల వర్షం కురుస్తోంది.

జింబాబ్వే పై ఇండియా గ్రాండ్ విక్టరీ

సూపర్ 8 లో ఖచ్చితంగా గెలవాల్సిన మ్యాచ్ ను భారత జట్టు సొంతం చేసుకుంది. ఈ మ్యాచ్ లో జింబాబ్వేపై ఏకంగా 72 పరుగులు తేడాతో విజయం సాధించింది భారత జట్టు. ఇందులో మొదట బ్యాటింగ్ చేసిన భారత్ 256 పరుగులు సాధించింది. ఈ లక్ష్యాన్ని చేదించే క్రమంలో జింబాబ్వే 184 పరుగుల వద్ద ఆగిపోయింది. దీంతో జింబాబ్వే ఇంటికి వెళ్ళగా, భారత్ సేఫ్ జోన్ లోకి వచ్చింది.

View this post on Instagram

A post shared by India Today (@indiatoday)