ప్రజాభిమానం మరింత స్ఫూర్తినిస్తుంది : ఎస్పీ 

దిశ, మహబూబ్‌నగర్: సమాజ రక్షణకు విధులు నిర్వహిస్తున్న పోలీసుల పట్ల ప్రజలు చూపుతున్న అభిమానం, అందిస్తున్న సహకారం తమకెంతో సంతోషాన్ని, స్ఫూర్తిని కలిగిస్తున్నదని మహబూబ్‌నగర్ ఎస్పీ రెమా రాజేశ్వరి అన్నారు. ఈ విపత్కర పరిస్థితుల్లో కనిపించని కరోనా వైరస్ బారినుంచి ప్రజలకు రక్షణ కల్పించేందుకు పోలీసులు ఎంతో నిబద్ధతతో పని చేస్తున్నారని తెలిపారు. తమను కుటుంబ సభ్యులుగా భావించి తమ బాగోగుల పట్ల అంతులేని శ్రద్ధ కనబరుస్తున్న ప్రతి ఒక్కరికీ ఎస్పీ ధన్యవాదాలు తెలిపారు. ఈ సందర్భంగా బంగారు బాలప్ప జూవెల్లర్స్ ఆధ్వర్యంలో పోలీసులకు అందించిన మాస్కులు, సానిటైజర్ బాటిళ్లను ఎస్పీ స్వీకరించారు. అదేవిధంగా జిల్లాలోని పోలీసు సిబ్బందికి ఈ వస్తువులను అందజేయాలని సూచించారు. ఈ కార్యక్రమంలో పోలీసు అధికారులు, తదితరులు పాల్గొన్నారు.

Tags: mahabubnagar SP, given, police, masks, sanitizers, Balappa Jewellers