‘శాకుంతలం’ : సమంత ఇష్టసఖిగా తమిళ నటి

దిశ, సినిమా : టాలెంటెడ్ హీరోయిన్ సమంత అక్కినేని టైటిల్ రోల్ ప్లే చేస్తున్న పాన్ ఇండియా ప్రాజెక్ట్ ‘శాకుంతలం’. దర్శకులు గుణశేఖర్ తెరకెక్కిస్తున్న ఈ సుందర దృశ్య కావ్యంలో శకుంతల ఇష్టసఖిగా తమిళ భామను తీసుకోబోతున్నారని సమాచారం. ‘అరువి’ సినిమా ద్వారా గుర్తింపు తెచ్చుకున్న అదితి బాలన్‌ను ఈ పాత్రకు ఫైనల్ చేశారని తెలుస్తోంది.

అందాల శకుంతల ఇష్టసఖి ప్రియంవద పాత్ర ద్వారా అదితి బాలన్ తెలుగు తెరకు పరిచయం కానుండగా.. ముందుగా ఈ పాత్ర కోసం తెలుగు భామ ఈషా రెబ్బాను ఎంచుకున్నారు. అయితే అనుకోని కారణాల వల్ల ఈ ప్రాజెక్టు నుంచి ఈషా తప్పుకోగా, ఈ అవకాశం అదితిని వరించింది. గుణ టీమ్ వర్క్స్ నిర్మిస్తున్న ఈ సినిమాకు మణిశర్మ సంగీతం సమకూరుస్తుండగా.. సామ్ ప్రీలుక్‌కు మంచి మార్కులు పడ్డాయి.