భూమిపై జీవం అంతమయ్యేది అప్పుడే.. ఖచ్చితమైన తేదీతో సహా.. శాస్త్రవేత్తల సంచలన అధ్యయనం

దిశ, ఫీచర్స్ : జపాన్ తోహో యూనివర్సిటీ, నాసా అధ్యయనాలు భూమిపై జీవం ఎప్పుడు అంతమవుతుందో అంచనావేశాయి. సూపర్‌కంప్యూటర్ సిమ్యులేషన్లను ఉపయోగించి చేసిన అధ్యయనాల్లో సుమారు ఒక బిలియన్ సంవత్సరాలలో.. అంటే సుమారు 1,000,002,021 సంవత్సరంలో జీవించడం అసాధ్యమని తెలిపాయి. ఈ అంచనా సూర్యుని సహజ వృద్ధాప్య ప్రక్రియ, భూ వాతావరణంపై దాని ప్రభావంపై ఆధారపడి ఉంది. ఇంతకీ ఏం జరుగుతుంది? ఎందుకు జీవజాలం ఎఫెక్ట్ అవుతుంది? తెలుసుకుందాం.

ఆక్సిజన్ క్షీణత

కజుమి ఒజాకి, క్రిస్టోఫర్ రీన్‌హార్డ్ వంటి పరిశోధకుల నేతృత్వంలోని ఈ అధ్యయనం.. నాసా యొక్క ప్లానెటరీ మోడలింగ్‌ను ఉపయోగించి, 400,000 కంటే ఎక్కువ సూపర్‌కంప్యూటర్ సిమ్యులేషన్లను నిర్వహించి, భూ వాతావరణ పరిణామాన్ని అంచనా వేసింది. సుమారు ఒక బిలియన్ సంవత్సరాలలో భూమి యొక్క ఆక్సిజన్-సమృద్ధ వాతావరణం (ప్రస్తుతం 21% ఆక్సిజన్) వేగవంతమైన డీఆక్సిజనేషన్‌కు గురవుతుందని.. ఆక్సిజన్ స్థాయిలు (1% ప్రస్తుత ఆక్సిజన్) సంక్లిష్ట ఏరోబిక్ జీవులు అంటే మానవులు, జంతువులు, మొక్కలు జీవించలేని స్థాయికి తగ్గుతాయని అంచనా వేసింది.

ఈ టైమ్‌లైన్ భూమి బయోస్ఫియర్ సుమారు రెండు బిలియన్ సంవత్సరాలు కొనసాగవచ్చని సూచించిన మునుపటి అంచనాలను సవరించింది. వాతావరణం, జియోకెమికల్ ప్రక్రియల మెరుగైన సిమ్యులేషన్ల కారణంగా ఈ కొత్త మోడల్‌లు మరింత ఖచ్చితమైన టైమ్‌ఫ్రేమ్‌ను అందిస్తాయి.

వాతావరణ క్షీణత యంత్రాంగం

సౌర ప్రకాశం పెరుగుదల: ప్రతి 100 మిలియన్ సంవత్సరాలకు సూర్యుని ప్రకాశం సుమారు 1% పెరుగుతుంది. ఈ క్రమంలో పెరిగే ఉష్ణోగ్రత భూమి యొక్క ఉపరితల ఉష్ణోగ్రతలను పెంచుతుంది. సముద్రాలు , సరస్సుల నుండి నీరు ఆవిరై పోవడాన్ని వేగవంతం చేస్తుంది.

కార్బన్ చక్రంలో అంతరాయం: పెరిగిన ఉష్ణోగ్రతలు, నీటి ఆవిరి కార్బన్ చక్రాన్ని అడ్డుకుంటాయి. అధిక వర్షపాతం సిలికేట్ రాక్ వెదరింగ్‌ను పెంచుతుంది. ఇది కార్బన్ డైఆక్సైడ్ (CO₂)ను వాతావరణం నుండి తొలగిస్తుంది. కార్బనేట్ సమ్మేళనాలను ఏర్పరుస్తుంది. ఇవి సముద్రతీరానికి చేరుతాయి. CO₂ స్థాయిలు తగ్గడంతో, ఫోటోసింథసిస్ అసాధ్యమవుతుంది. మొక్కలకు కీలకమైన వనరును కోల్పోతాయి. ఆక్సిజన్ ఉత్పత్తి ఆగిపోతుంది.

మీథేన్-ఆధిపత్య వాతావరణం: ఆక్సిజన్ ఉత్పత్తి ఆగిపోవడంతో.. వాతావరణం గ్రేట్ ఆక్సిడేషన్ ఈవెంట్‌కు ముందు (2.4 బిలియన్ సంవత్సరాల క్రితం) ఉన్న స్థితికి తిరిగి వస్తుంది. అధిక మీథేన్ స్థాయిలు, తక్కువ ఆక్సిజన్‌తో ఉండే ఈ వాతావరణం ఏనిరోబిక్ సూక్ష్మజీవులకు అనుకూలంగా ఉంటుంది. కానీ సంక్లిష్ట జీవ రూపాలకు నివాసయోగ్యం కాదు.

వేగవంతమైన డీఆక్సిజనేషన్: సిమ్యులేషన్లు సూచించినవి ఏమిటంటే.. ఒక క్లిష్టమైన థ్రెషోల్డ్ చేరుకున్న తర్వాత, ఆక్సిజన్ స్థాయిలు కొన్ని వేల సంవత్సరాలలో వేగంగా క్షీణిస్తాయి. ఆక్సిజన్‌పై ఆధారపడిన జీవుల సామూహిక విలుప్తతకు దారితీస్తాయి.

జియోకెమికల్ ఇంటరాక్షన్లు: కార్బోనేట్-సిలికేట్ సైకిల్.. ఇది వెదరింగ్, సెడిమెంటేషన్ ద్వారా CO₂ను నియంత్రిస్తుంది. సముద్రాలు ఆవిరైపోవడం, టెక్టోనిక్ కార్యకలాపాలు తగ్గడంతో మందగిస్తుంది. ఇది వాతావరణ అస్థిరతను మరింత తీవ్రతరం చేస్తుంది. ఆక్సిజన్, CO₂ లభ్యతను మరింత తగ్గిస్తుంది.