రోగుల మూత్రాన్ని విస్కీగా మార్చిన సైంటిస్టు.. ఐడియా అదుర్స్.. ఇంట్లోనే ఇలా..

దిశ, ఫీచర్స్ : సైంటిస్ట్ జేమ్స్ గిల్పిన్ మూత్రాన్ని విస్కీగా మార్చే పద్ధతిని కనుగొన్నాడు. బయోమెడికల్ టెక్నాలజీలపై పని చేసే ఆయన డయాబెటిస్ రోగి కాగా.. అతని రక్తంలో చక్కెర స్థాయిలను నియంత్రించేందుకు తగినంత ఇన్సులిన్ ఉత్పత్తి చేయబడదు. ఈ క్రమంలోనే అతనికి ఓ ఐడియా వచ్చింది. వృద్ధ డయాబెటిక్ రోగుల మూత్రాన్ని సింగిల్ మాల్ట్ విస్కీగా మార్చే ప్రాజెక్ట్‌ను ప్రారంభించాడు. ఎగుమతికి అనుకూలంగా తయారు చేశాడు.

ప్రక్రియ ఎలా ఉంటుంది?

మూల పదార్థం: మూత్రం స్వచ్చంధంగా షుగర్ వ్యాధి ఉన్న వృద్ధుల నుండి సేకరించబడుతుంది. ఈ రోగులు ఇన్సులిన్ ప్రాసెసింగ్ సరిగ్గా లేకపోవడం కారణంగా మూత్రంలో పెద్ద మొత్తంలో చక్కెరను విసర్జిస్తారు. ఇది ఫెర్మెంటేషన్ కోసం ఉపయోగకరమైన వనరుగా మారుతుంది.

శుద్ధీకరణ: మూత్రం మున్సిపల్ నీటి శుద్ధీకరణ పద్ధతుల మాదిరిగానే శుద్ధి చేయబడుతుంది. చక్కెర అణువులు సేకరించబడి, శుభ్రమైన ల్యాబ్ వాతావరణంలో వేరు చేయబడతాయి.

ఫెర్మెంటేషన్: సేకరించిన చక్కెరను మాష్ స్టాక్‌కు యాడ్ చేసి, సాంప్రదాయకంగా స్టార్చ్ నుంచి తీసిన చక్కెరలకు బదులుగా ఉపయోగిస్తారు. ఇది ఫెర్మెంటేషన్ ప్రక్రియను వేగవంతం చేస్తుంది. స్పష్టమైన ఆల్కహాల్ స్పిరిట్‌ను ఉత్పత్తి చేస్తుంది.

మిశ్రమం, బాట్లింగ్: స్పిరిట్‌కు విస్కీ మిశ్రమాలు యాడ్ చేయబడి.. రంగు, రుచి, సాంద్రత పొందుతుంది. ప్రతి బాటిల్‌పై మూత్రం దాత పేరు, వయస్సు, కొన్నిసార్లు స్వస్థలం వంటి వివరాలు లేబుల్ చేయబడతాయి.

ఎలా ప్రేరణ పొందారు?

ఒక ఫార్మాస్యూటికల్ కంపెనీ వృద్ధాశ్రమం పక్కన ఫ్యాక్టరీ ఏర్పాటు చేసి.. నివాసితుల మూత్రాన్ని కుషన్లు, సాఫ్ట్ టాయ్‌లతో సేకరించింది. ఆ యూరిన్ నుండి ఓల్డ్ ఎండోక్రైన్ సిస్టమ్‌ల ద్వారా ప్రాసెస్ కాని రసాయనాలను వేరుచేసి, కొత్త ఔషధాలలో ఉపయోగించారు. ఇది గిల్పిన్‌కు నీటి శుద్ధీకరణ వ్యవస్థలను ఉపయోగించి డయాబెటిక్ మూత్రంలోని చక్కెరను బయోలాజికల్ వనరుగా ఉపయోగించే ఆలోచనను ఇచ్చింది.

ఉద్దేశం??

గిల్పిన్ ఫ్యామిలీ విస్కీ వాణిజ్య ఉత్పత్తి కాదు. కానీ ఒక కళాత్మక ప్రదర్శన, పబ్లిక్ హెల్త్ స్టేట్‌మెంట్. ఇది 2010లో లండన్‌లోని 100% మెటీరియల్స్ డిజైన్ షో, మాంచెస్టర్‌లోని అబాండన్ నార్మల్ డివైసెస్ ఫెస్టివల్ వంటి ఈవెంట్‌లలో ప్రదర్శించబడింది. డయాబెటిస్, బయోమెడికల్ టెక్నాలజీల గురించి అవగాహన కల్పించడానికి టేస్ట్ సెషన్లు, మూడు సహాయక చలనచిత్రాలు ప్రదర్శించబడ్డాయి. విస్కీ సాంప్రదాయ సింగిల్ మాల్ట్‌లా బ్యారెల్స్‌లో ఏజ్ చేయబడదు.. కానీ బ్లెండ్ చేయబడుతుంది. కొంతమంది దీనిని ఫ్లేవర్డ్ స్పిరిట్‌గా వర్ణించారు. కాగా గిల్పిన్ ఈ ప్రక్రియ ఇంట్లో సులభంగా పునరావృతం చేయబడదని.. దీనికి అధునాతన శుద్ధీకరణ పద్ధతులు, లీగల్ డిస్టిలరీ లైసెన్స్‌లు అవసరమని చెప్పాడు.