అక్రమంగా తరలిస్తున్న గంజాయి పట్టివేత..

దిశ, భద్రాచలం టౌన్ : భద్రాచలం పోలీసులు రూ 14 లక్షల విలువైన 70 కిలోల గంజాయి పట్టుకున్నారు. భద్రాచలం సీఐ స్వామి తెలిపిన వివరాల ప్రకారం ఉదయం 8 గంటల సమయంలో ఎస్ఐ మధుప్రసాద్, సిబ్బందితో కలిసి ఫారెస్ట్ చెక్ పోస్ట్ వద్ద వాహనాలు తనిఖీలు చేస్తుండగా, ఆ సమయంలో అక్కడికి వచ్చిన రెండు ఆటోలు, ఒక మోపెడ్ వాహనం ఆపి తనిఖీ చేశామన్నారు. అందులో ఉన్న 70 కిలోల నిషేధిత గంజాయి గుర్తించి స్వాధీనం చేసుకున్నారు. ఆ వాహనాల్లో గంజాయి రవాణా చేస్తున్న కంపాటి రామారావు, చీకటి లక్ష్మి, కాసుల నవీన్, మూతి స్వామి, రేగులగడ్డ రాజేష్, గున్నా బత్తుల శ్యాం సుందర్‌లను అదుపులోకి తీసుకొని విచారించగా గంజాయి రవాణా చేస్తున్నట్లుగా అంగీకరించారు. ఒక మహిళసహా మొత్తం ఆరుగురిపై కేసునమోదు చేసినట్లు తెలిపారు పోలీసులు తెలిపారు.