53 కిలోల నిషేధిత గంజాయి పట్టివేత

దిశ, ఆసిఫాబాద్: అసిఫాబాద్ జిల్లా కెరమెరి మండలంలోని సావర్ ఖేడ గ్రామంలో 53 కిలోల గంజాయిని వాంకిడి సిఐ సుధాకర్, కెరమెరి పోలీస్ అధికారులు స్వాధీనం చేసుకున్నారు. పోలీస్ అధికారులు తెలిపిన వివరాల ప్రకారం.. సావర్ ఖేడ గ్రామంలో వాంకిడి సి ఐ సుధాకర్, కెరమెరి మండల ఎస్ ఐ రమేష్ తనిఖీ నిర్వహించగా.. తిరుపతి, వడాయి బిక్కుల ఇంట్లో 53 కిలోల నిషేధిత గంజాయి పట్టుబడింది. పట్టుబడ్డ 53 కిలోల నిషేధిత గంజాయిని సీజ్ చేయడంతో పాటు ఇద్దరు నిందితులపై కేసు నమోదు చేశారు.

ఎస్పీ Y V S సుదింద్ర మాట్లాడుతూ.. చట్టరీత్యా నేరం కలిగిన పనులను చేయకుండా స్వయం కృషితో ఉండాలని అన్నారు. ఇలాంటి పనులు చట్టరిత్యా నేరమని, ఇలాంటివి చేస్తే పిడి యాక్ట్ నమోదు చేయడం జరుగుతుందన్నారు.