హెలికాప్టర్ ప్రమాదం.. రేపు సైనిక లాంఛనాలతో సాయితేజ అంత్యక్రియలు!

దిశ, వెబ్‌డెస్క్ : హెలికాప్టర్ ప్రమాదంలో మరో ఆరుగురు సైనిక అధికారుల మృతదేహాలను డిఫెన్స్ అధికారులు గుర్తించారు. వాటిలో చిత్తూరు జిల్లాకు చెందిన లాన్స్ నాయక్ సాయితేజ, వివేక్ కుమార్‌తో పాటు ఎయిర్‌ఫోర్స్‌కు చెందిన మరో నలుగురి మృతదేహాలు ఉన్నట్టు తెలిసింది.

ఈ నేపథ్యంలో శనివారం విమానంలో వారి పార్థివదేహాలను అధికారులు వారి స్వస్థలాలకు పంపించనున్నారు. రేపు (ఆదివారం) వారి కుటుంబ సభ్యుల సమక్షంలో వారికి సైనిక లాంఛనాలతో అంత్యక్రియలు నిర్వహించనున్నారు. ఇదిలా ఉండగా మిగిలిన మృతదేహాల గుర్తింపు ప్రక్రియ కొనసాగుతోంది.