దుఃఖ ఋతువు

187
Namala

పగటి కన్నా
రాత్రి అంటే నాకు భలే ఇష్టం

నేను కష్టపడేది
మరి రాత్రి పూటే

రాయడం నేర్చుకున్న నేను
బతుకును దాయడం నేర్చుకోలేకపోయా

కొందరందుకే,
నేనేదో నేరం చేసినట్టు
వీడింతేనా అని చూసే చూపులు
భవిష్యత్‌ని కొరికేస్తున్నాయి

చిల్లులు పడ్డ కలల్ని
ఏరుకుని పోగేసుకుంటూ
కళ్లకిందుగా లాగేసుకుని
వాటికో రూపాన్నిచే ప్రయత్నంలో
అప్పుడప్పుడు
శ్వాస తీసుకోవడం కూడా మర్చిపోతున్నాను

ఏడుపులను కడుపులో దాచుకుని
నవ్వులు వెదజల్లుతేనే
నలుగురిలో నిలబడగలుగుతున్న క్షణం

ఋతువులు మారినట్లే
మనుషులు మారుతున్నప్పుడు

దుఃఖ ఋతువును
గుండెలకు హత్తుకునేదెలా?

– నామాల రవీంద్రసూరి
         98483 21079

గల్లీ టూ గ్లోబల్ అప్డేట్స్.. రంగులు మారే రాజకీయాలపై ఆసక్తికర విశ్లేషణలు.. దమ్మున్న వార్తలు.. ఎప్పటికప్పుడు.. వాట్సాప్ ద్వారా పొందాలంటే.. మా నెంబ‌ర్‌ +91 88864 24242 ను సేవ్ చేసుకొని, "START" అని వాట్సాప్ ద్వారా మెసేజ్ పంపండి..