'ఆర్ఆర్ఆర్' నుంచి ఉగాది కానుక

దిశ, వెబ్‌డెస్క్: అనుకున్నట్లుగానే ‘ఆర్ఆర్ఆర్’ టీం నుంచి ఉగాది కానుక వచ్చేస్తోంది. తెలుగు వారి కొత్త సంవత్సరం సందర్భంగా ‘ఆర్ఆర్ఆర్’ టైటిల్ లోగో, మోషన్ పోస్టర్ రిలీజ్ చేస్తున్నట్లు ప్రకటించింది మూవీ యూనిట్. ఈ సంక్షోభ సమయంలో మీలో ఉత్సాహాన్ని నింపేందుకు మా నుంచి ఈ కానుక అంటూ జూనియర్ ఎన్టీఆర్ ట్వీట్ చేయగా… ఆన్ లైన్‌లో థ్రిల్‌ను ఎంజాయ్ చేయాలని సూచించారు దర్శకులు రాజమౌళి. ఇలాంటి సమయంలో ఎక్కువ మంది కలిసేందుకు అనుమతి లేదని… ఫ్లెక్సీలు, ప్రింట్ లాంటివి పెట్టరాదని.. ఇంట్లో నుంచే ఈ అప్‌డేట్‌ను ఎంజాయ్ చేయాలని కోరారు.

పాన్ ఇండియా మూవీగా భారీ బడ్జెట్‌తో తెరకెక్కుతున్న ఫిక్షనల్ మూవీ ‘RRR’లో ఎన్టీఆర్, రామ్ చరణ్ తేజ్‌లు హీరోలు కాగా … అలియా భట్, అజయ్ దేవగన్, సముతిరఖని ప్రధాన పాత్రల్లో కనిపించనున్నారు. దర్శకధీరుడు జక్కన్న దర్శకత్వంలో వస్తున్న సినిమాను డీవీవీ ఎంటర్టైన్మెంట్స్ బ్యానర్‌పై దానయ్య నిర్మిస్తున్నారు.

Tags: RRR, SS Rajamouli, NTR, Ram Charan Tej, Danayya, DVV