ఘోర రోడ్డు ప్రమాదం.. సాఫ్ట్ వేర్ ఉద్యోగి మృతి

దిశ, వెబ్‌డెస్క్ : హైదరాబాద్‌లో ఘోర రోడ్డు ప్రమాదం చోటు చేసుకుంది. నగరంలోని రాయదుర్గంలో ఎదురుగా వస్తున్న ఆటోను బైక్ ఢీ కొన్న ఘటన ఆదివారం ఉదయం చోటు చేసుకుంది. ఈ ప్రమాదంలో సాఫ్ట్ వేర్ ఉద్యోగి మనోజ్ అనే వ్యక్తి అక్కడికక్కడే మృతి చెందాడు. స్థానికుల సమాచారం మేరకు ఘటనా స్థలానికి చేరకున్న పోలీసులు మృతుడు మణికొండలో పంచవటి కాలనీ వాసిగా గుర్తించారు. ఇక ఈ ఘటనపై కేసు నమోదు చేసుకొని విచారణ చేపట్టారు.