వాహనదారులకు బిగ్ షాక్.. మరోసారి పెరిగిన పెట్రోల్, డీజిల్ ధరలు

దిశ, వెబ్‌డెస్క్ : ఇంధన ధరలు రోజు రోజుకు పెరుగుతూ వాహనదారులకు చుక్కలు చూపెడుతున్నాయి. ఇకనైనా ధరలు తగ్గుతాయేమో అనుకుంటే రోజు రోజుకు ధరలు పెరుగుతూ ఆకాశాన్ని అంటుతున్నాయి. పెరిగిన ధరలతో సామాన్యుని పరిస్థితి అస్తవ్యస్థంగా మారింది. సెప్టెంబర్ 28 నుండి ఇప్పటివరకు పెట్రోల్ ధర 23 సార్లు పెరుగుతూ వచ్చింది. అదే విధంగా డీజిల్ ధర 24 సార్లు పెరుగుతూ వచ్చింది. తాజాగా హైదరాబాద్‌లో ఇంధన ధరలు మరోసారి పెరిగాయి. పెట్రోల్‌పై 36 పైసలు, డీజిల్‌పై 38 పైసలు పెరగడంతో లీటర్ పెట్రోల్ ధర రూ.112.63ఉండగా, లీటర్ డీజిల్ ధర రూ..105.84గా ఉంది.