జగన్‌ను కలిసిన రాజ్యసభ అభ్యర్థులు
వైఎస్సార్సీపీ రాజ్యసభ అభ్యర్థులు ముఖ్యమంత్రి వైఎస్‌ జగన్‌మోహన్‌రెడ్డిని అమరావతిలో కలిశారు. అమరావతి పరిధిలోని తాడేపల్లిలోని ముఖ్యమంత్రి క్యాంపు కార్యాలయానికి వైఎస్సార్సీపీ ప్రతిపాదిత రాజ్యసభ అభ్యర్థులు పిల్లి సుభాష్‌ చంద్రబోస్‌, అయోధ్య రామిరెడ్డి, పరిమల్‌ నత్వాని, మోపిదేవి వెంకటరమణరావులు వెళ్లారు. ఈ సందర్భంగా వారితో సమావేశమైన జగన్‌, వారికి బీ-ఫామ్‌లను అందజేశారు. నలుగురూ శాసనసభకు వెళ్లి వైఎస్సార్సీపీ రాజ్యసభ అభ్యర్థులుగా నామినేషన్‌‌లు వేశారు. ఈ సమయంలో వారితో పాటు ఆ పార్టీ సీనియర్‌ నేతలు సజ్జల రామకృష్ణారెడ్డి, ఉమ్మారెడ్డి వెంకటేశ్వర్లు, బొత్స సత్యనారాయణ, ఎంపీ భరత్‌, ఎమ్మెల్యే ఆళ్ల రామకృష్ణారెడ్డిలు కూడా ఉన్నారు.
Tags: ysrcp, rajya sabha candidates, jagan, pilli subhash chandra bose, parimal nathwani, ayodhyaramireddy, mopidevi venkatramanarao, assembly
