క్యాంపెయిన్‌లో చిందేసిన రాహుల్, ప్రియాంక

చెన్నై: కాంగ్రెస్ ప్రచార క్యాంపెయిన్‌లో రాహుల్ గాంధీ, ప్రియాంక గాంధీ తలమునకలయ్యారు. రాహుల్ తమిళనాడులో ప్రచారం చేస్తుంటే ప్రియాంక గాంధీ అసోంలో ఓటర్లను ఆకట్టుకుంటున్నారు. ఇందులో భాగంగా సోమవారం ఇరువురూ ఆయా ప్రాంతాల్లో ఓటర్లతో కలిసి స్టెప్పులు వేశారు. అసోంలోని లఖీంపూర్‌లో ప్రియాంక గాంధీ అక్కడి యువతులతో కలిసి సాంప్రదాయ ఝుమర్ డ్యాన్స్ స్టెప్పులను చేశారు.

ఈ వీడియోను కాంగ్రెస్ ట్విట్టర్ ఖాతా షేర్ చేసింది. కాగా, రాహుల్ గాంధీ తమిళనాడులోని ములగుమూదుబన్‌లో స్కూల్ విద్యార్థులతో కలిసి డ్యాన్స్ చేశారు. సెయింట్ జోసెఫ్ మెట్రిక్యులేషన్ హైయర్ సెకండరీ స్కూల్ స్టూడెంట్లతో కాలు కదిపారు.