బిగ్ బ్రేకింగ్.. తీన్మార్ మల్లన్న మరోసారి అరెస్ట్

Q News Teenmar Mallanna arrested again

దిశ, డైనమిక్ బ్యూరో: క్యూ న్యూస్ అధినేత తీన్మార్ మల్లన్నను నిజామాబాద్ జిల్లా పోలీసులు అరెస్ట్ చేశారు. నెలరోజుల క్రితం జ్యోతిష్యుడు లక్ష్మీకాంతశర్మను డబ్బుల కోసం బెదిరించాడన్న కేసులో మల్లన్నను ఇటీవల అరెస్ట్ చేసి 15 రోజులు రిమాండ్ చేసిన విషయం తెలిసిందే. అయితే తాజాగా.. ఈ నెల 9న జయవర్ధన్ అనే కల్లు ముస్తాదారు పాదయాత్ర పేరుతో మల్లన్న తనని బెదిరించి డబ్బులు వసూలు చేశారని పోలీసులకు ఫిర్యాదు చేశారు. ఈ క్రమంలో ఎడపల్లి పోలీస్ స్టేషన్‌లో ఐదుగురిపై పోలీసులు కేసు నమోదు చేశారు. ఈ ఫిర్యాదులో A1 ఉప్పు సంతోష్‌ను 10వ తేదీన అరెస్ట్ చేసి రిమాండ్‌కు పంపగా.. A5గా ఉన్న తీన్మార్ మల్లన్నను గురువారం హైదరాబాద్‌లో అదుపులోకి తీసుకొని రాత్రి నిజామాబాద్ మెజిస్ట్రేట్ ఎదుట హాజరు పరిచి తిరిగి హైదరాబాద్‌కు పంపనున్నారు.