కేకే ఓపెన్ కాస్ట్ కోసం అటవీయేతర భూములను పరిశీలించిన కలెక్టర్ కుమార్ దీపక్..
మందమర్రి ఏరియా పెద్దనపల్లి గ్రామంలో కేకేఓసీ ఎన్ఎఫ్ఎల్ భూసేకరణ ప్రతిపాదిత ప్రాంతంలో కలెక్టర్ కుమార్ దీపక్ , సబ్ కలెక్టర్ డి. మనోజ్ లు పర్యటించారు.
దిశ, మందమర్రి: మందమర్రి ఏరియా పెద్దనపల్లి గ్రామంలో కేకేఓసీ ఎన్ఎఫ్ఎల్ భూసేకరణ ప్రతిపాదిత ప్రాంతంలో కలెక్టర్ కుమార్ దీపక్ , సబ్ కలెక్టర్ డి. మనోజ్ లు పర్యటించారు. ఈ సందర్భంగా కేకే ఓపెన్ కాస్ట్ ప్రాజెక్ట్ నిమిత్తం పెద్దనపల్లి గ్రామంలో అటవీయేతర భూములను (నాన్ ఫారెస్ట్ ల్యాండ్ ) కు చెందిన భూసేకరణ ప్రతిపాదిత ప్రాంతాన్ని జిల్లా కలెక్టర్ కుమార్ దీపక్ , సబ్ కలెక్టర్ డి. మనోజ్ తో కలిసి బుధవారం క్షేత్రస్థాయిలో పరిశీలించారు. ఈ సందర్భంగా భూసేకరణకు సంబంధించిన పటాలను, సరిహద్దులను అధికారులతో కలిసి వారు సమగ్రంగా తనిఖీ చేశారు. ప్రాజెక్టు పురోగతి, భూసేకరణ ప్రక్రియ వేగవంతం చేయడం మరియు స్థానిక రైతులు, నివాసితులకు ఎలాంటి ఇబ్బందులు కలగకుండా చూడటంపై అధికారులకు పలు సూచనలు చేశారు.ఈ తనిఖీ కార్యక్రమంలో మందమరి ఏరియా జనరల్ మేనేజర్ ఎన్ .రాధాకృష్ణ , కేకే ఓ సి ప్రాజెక్ట్ ఆఫీసర్ రాంబాబు సంబంధిత రెవెన్యూ అధికారులు, సింగరేణి యాజమాన్య ప్రతినిధులు మరియు ఇతర శాఖల అధికారులు పాల్గొన్నారు.
