విశాఖలో సైకో వీరంగం

<p>దిశ, వెబ్ డెస్క్: విశాఖ నగర శివారు కొమ్మాది అమరావతి కాలనీలో సైకో వీరంగం సృష్టించాడు. సోమవారం మధ్యాహ్నం ఓ యువతి, చిన్నారి లపై దాడి చేసి గొంతు కోశాడు. సైకోని అడ్డుకున్న బాధితులు దేహశుద్ధి చేశారు. ఈ ఘటనలో గాయపడిన బాధితులు ఒడిశాకు చెందిన వారిగా గుర్తించారు. విషయం తెలుసుకున్న స్థానికులు తక్షణమే సైకోను బంధించి పోలీసులకు ఫిర్యాదు చేశారు. సైకో వీరంగంపై ప్రజలు మండిపడుతున్నారు. తక్షణమే అరెస్టు చేయాలని డిమాండ్ చేస్తున్నారు. ఈ ఘటనలో బాధితులతో పాటు సైకో వివరాలను కూడా పోలీసులు సేకరిస్తున్నారు.</p>