బ్రేకింగ్.. ఎమ్మెల్సీ వాణీదేవీకి చేదు అనుభవం

by  |

దిశ, శేరిలింగంపల్లి : అధికారిక కార్యక్రమాలు నిర్వహించే సందర్భాల్లో విధిగా ప్రోటోకాల్ నిర్వహించడం ఆనవాయితీ. కానీ, శేరిలింగంపల్లి నియోజకవర్గంలో మాత్రం ప్రోటోకాల్ వ్యవహారాన్ని అధికారులు తుంగలో తొక్కారు. ఎమ్మెల్యేలు, మంత్రుల పర్యటనల్లో సైతం కొందరు ప్రజాప్రతినిధుల పేర్లను శిలాఫలకాల మీద రాయలేకపోతున్నారు.

తాజాగా రాయదుర్గంలోని లెదర్ ఇన్స్‌స్టిట్యూట్‌లో నూతనంగా ఎస్సీ, ఎస్టీ విద్యార్థుల కోసం శుక్రవారం హాస్టల్ భవనాన్ని ప్రారంభించారు. రాష్ట్ర విద్యాశాఖమంత్రి సబితా ఇంద్రారెడ్డితో పాటు శేరిలింగంపల్లి ఎమ్మెల్యే, ప్రభుత్వ విప్ అరేకపూడి గాంధీ, ఎమ్మెల్సీ వాణీదేవీ ఈ కార్యక్రమంలో పాల్గొన్నారు. కానీ, వాణీదేవీ పేరు మాత్రం శిలాఫలకం మీద లేకపోగా.. మిగతా ఎమ్మెల్సీలైన పట్నం మహేందర్ రెడ్డి, కట్టెపల్లి జనార్దన్ రెడ్డి, గోరేటి వెంకన్న పేర్లు మాత్రం ఉన్నాయి.

ఇదే విషయంపై ఎమ్మెల్సీ సురభీ వాణీదేవీ అభ్యంతరం వ్యక్తం చేశారు. తన పేరు శిలాఫలకంపై లేకపోవడం పట్ల అక్కడే ఉన్న మంత్రి సబితా ఇంద్రారెడ్డి దృష్టికి తీసుకువెళ్లగా ఆమె అధికారులను వివరణ కోరారు. వెంటనే శిలాఫలకాన్ని మార్చి సురభీ వాణీదేవీ పేరు చేర్చి కొత్త శిలాఫలకాన్ని ఏర్పాటు చేయాలని ఆదేశించారు. ఇలా ప్రోటోకాల్ పాటించకుండా.. ప్రజాప్రతినిధుల పేర్లు లేకుండా శిలాఫలకాలు ఏర్పాటు చేయడం, కార్యక్రమాలకు సంబంధం లేని వారి పేర్లను చేర్చడం పట్ల తరచూ టీఆర్‌ఎస్ పార్టీలో చర్చసాగుతూనే ఉంది.

కంటెంట్ రైటర్లు కావాలి!
సంచలన కథనాలతో తెలుగు రాష్ట్రాల్లో దూసుకుపోతున్న దిశ వెబ్‌సైట్‌లో పని చేయడానికి సీనియర్, జూనియర్ కంటెంట్ రైటర్లు కావాలి.
పొలిటికల్, వైరల్, సినిమా, బిజినెస్, లైఫ్‌స్టైల్ కంటెంట్ రాసే వారికి ప్రాధాన్యం ఉంటుంది. ప్రతిభను బట్టి వేతనం ఉంటుంది.
ఆసక్తి ఉన్నవాళ్లు నెంబరు 79958 66670 కు తమ బయోడేటా వాట్సాప్ చేయండి. లేదా
వాకిన్ ఇంటర్వ్యూ కోసం కింది అడ్రస్‌లో సంప్రదించగలరు.
దిశ, ఫస్ట్ ఫ్లోర్, లుంబిని రాక్‌డేల్ ఈనాడు ఆఫీసు వెనకాల సోమాజీగూడ, హైదరాబాద్.

Next Story

Most Viewed