ఆక్సిజన్ సిలిండర్లు అందిస్తున్న హీరోయిన్..

దిశ, సినిమా: కరోనా సమయంలో హీరోయిన్ ప్రణీత సుభాష్ అందించిన సేవలు మరిచిపోలేం. తన చారిటీ ద్వారా ఎంతో మందికి అన్నదానం చేసి ప్రశంసలు అందుకుంది. ఆ తర్వాత కూడా మహిళల గురించి అనేక సేవా కార్యక్రమాలు చేపట్టిన ప్రణీత.. కొవిడ్ సెకండ్ వేవ్‌ కారణంగా ఏర్పడిన పరిస్థితులపై ఆవేదన వ్యక్తం చేసింది. ఈ సారి ఆహారం కన్నా ఆక్సిజన్ ముఖ్యమని భావించిన తను.. కరోనా పేషెంట్ల ప్రాణాలు కాపాడేందుకు ఆక్సిజన్ సిలిండర్లు, ఆక్సిజన్ కాన్సంట్రేటర్లు అందిస్తోంది. ఈ మేరకు తన చారిటీ ద్వారా విరాళాలు సేకరిస్తున్నామని, తమకు వీలైనంత సాయం అందించేందుకు ముందుంటామని స్పష్టం చేసింది. సెలబ్రిటీలతో పాటు ప్రతీ ఒక్కరు తమకు తోచినంత హెల్ప్ చేయాలని కోరింది.