భూమిపూజను టీవీలో చూసిన ప్రధాని తల్లి

దిశ, వెబ్ డెస్క్: అయోధ్యలో బుధవారం జరిగిన రామమందిరం పూజా కార్యక్రమాన్ని యావత్భారతం వీక్షించింది. ఎన్నోఏండ్ల తమ కల నేరివేరిందని, ఆ మహా ఘట్టాన్ని చూసి చలించిపోయామని మీడియా, సామాజిక మాధ్యమాల ద్వారా తమ అభిప్రాయాలను పంచుకున్నారు. అయితే, ఆ మహాకార్యాన్ని వీక్షించిన వారిలో ప్రధాని తల్లి కూడా ఉన్నారు.

భారత ప్రధాని నరేంద్ర మోదీ అయోధ్యలో భూమిపూజ చేస్తుండగా ఆయన మాతృమూర్తి హీరాబెన్ మోదీ ఆ ఘట్టాన్ని టీవీలో వీక్షించారు. భూమి పూజ జరుగుతున్నంత సేపు చేతులు జోడించి శ్రద్ధగా తిలకించారు. వందో ఏటా అడుగుపెట్టిన హీరోబెన్ అహ్మదాబాద్‌లోని తన నివాసం నుంచే ప్రత్యక్ష ప్రసారం ద్వారా భూమిపూజను చూసి పులకించిపోయారు. ఆద్యంతం హర్షాతిరేకాలు వ్యక్తం చేసినట్లు తెలుస్తోంది.