ఫోటో ఆఫ్ ది డే : నీలిరంగులో నింగి-నేల-నీరు  

దిశ, వెబ్ డెస్క్: ఆదిలాబాద్ జిల్లా బేలా మండలం సాంగిడి గ్రామంలో ఆదివారం రాత్రి అరుదైన దృశ్యం ఆవిష్కృతం అయింది. పెన్ గంగ పరివాహిక ప్రాంతంలో నీలి రంగులో నింగి-నేల-నీరు కనువిందు చేశాయి.

సాయంత్రం వేళల్లో ఆకాశం మొత్తం నీలి రంగు కమ్ముకోవడంతో పాటు కింద ఉన్న పెన్ గంగ నదిలోని నీరు సైతం నీలి రంగులో కనిపించింది. దీంతో నింగి, నేల, నీరు ఒకటేలా కనిపించిన ఈ అరుదైన దృశ్యం అక్కడి ప్రజలను ఆకట్టుకుంది.

ఆదివారం గణేష్ నిమజ్జనం సందర్భంగా సాంగిడి గ్రామ యువకులు పెన్ గంగ నది ఒడ్డుకు చేరుకున్నారు. అక్కడ ఆవిష్కృతమైన అద్భుతాన్ని చూసి పులకించిన వారు తమ సెల్ ఫోన్లలో ఆ దృశ్యాలను బందించారు. ఇప్పుడు ఈ ఫోటోలను ప్రకృతి ప్రేమికులు నెట్టింట్లో షేర్లు చేస్తూ ఆనందిస్తున్నారు.