తిరుపతి ఉపఎన్నికను ప్రతిష్ఠాత్మకంగా తీసుకోవాలి: పవన్

దిశ, ఏపీ బ్యూరో: తిరుపతి ఉపఎన్నికను జనసేన పార్టీ కార్యకర్తలు ప్రతిష్టాత్మకంగా తీసుకోవాలని ఆ పార్టీ అధినేత పవన్ ​కల్యాణ్​ అన్నారు. గురువారం సాయంత్రం తిరుపతిలోని గ్రాండ్​ రిట్జ్ ​హోటల్లో రాజకీయ వ్యవహారాల కమిటీ సమావేశంలో ఆయన పాల్గొని మాట్లాడుతూ బీజేపీతో కలిసి ఉప ఎన్నికలో పోటీ చేస్తున్నట్లు తెలిపారు. రెండు పార్టీలు నిర్ణయించిన ఉమ్మడి అభ్యర్థిని గెలిపించడానికి అవసరమైన ఎత్తుగడల గురించి చర్చించారు. తొలుత పవన్ తోపాటు నాదెండ్ల మనోహర్​ హైదరాబాద్ నుంచి ప్రత్యేక విమానంలో రేణిగుంట ఎయిర్‌పోర్టుకు చేరుకున్నారు. అనంతరం రోడ్డు మార్గం ద్వారా తిరుపతి చేరారు. రాత్రికి తిరుమలలో బస చేయనున్నారు. శుక్రవారం ఉదయం శ్రీవారిని దర్శించుకుంటారు.