పార్టీ విజయం కోసం కృషి చేయాలి

దిశ ప్రతినిధి, హైదరాబాద్: త్వరలో జరగబోయే గ్రాడ్యుయేట్ ఎమ్మెల్సీ ఎన్నికల్లో టీఆర్ఎస్ అభ్యర్థిని గెలిపించేందుకు పార్టీ నాయకులంతా కృషి చేయాలని గోషామహల్ నియోజకవర్గం ఎన్నికల అబ్జర్వర్, ఎమ్మెల్సీ బోడెకంటి వెంకటేశ్వర్లు సూచించారు. ఈ మేరకు బుధవారం ఇసామియా బజార్ మేఘరాజ్ భవన్‎లో జరిగిన పట్టభద్రుల ఓటర్ నమోదు కార్యక్రమంలో వెంకటేశ్వర్లు ముఖ్య అతిథిగా పాల్గొన్నారు. ఈ కార్యక్రమంలో టీఆర్ఎస్ గోషామహల్ నియోజకవర్గం ఇంచార్జ్ ప్రేమ్ సింగ్ రాథోడ్, సీనియర్ నాయకులు నందకిషోర్ వ్యాస్, గన్ ఫౌండ్రీ కార్పొరేటర్ మమతా సంతోష్ గుప్తా, గోవింద్ రాటి, మహిళా నాయకురాలు శీలం సరస్వతి ఆర్య, శ్రీకాంత్ తదితరులు పాల్గొన్నారు.

ఈ సందర్భంగా ఎమ్మెల్సీ వెంకటేశ్వర్లు మాట్లాడుతూ.. పట్టభద్రుల ఎమ్మెల్సీ ఎన్నికలను పార్టీ అధిష్టానం ప్రతిష్ఠాత్మకంగా తీసుకున్నందున పార్టీ నాయకులంతా ఐకమత్యంతో పనిచేసి అభ్యర్థి విజయానికి పాటుపడాలని కోరారు. ఫారం 18లో నూతన పట్టభద్ర ఓటర్లను నమోదు చేయించాలని పార్టీ కార్యకర్తలకు సూచించారు.