భారత్పై యుద్ధం.. ఇస్లామిక్ యుద్ధం కాదు
ఇస్లామాబాద్ లోని వివాదాస్పదమైన మతాధికారి అబ్దుల్ అజీజ్ ఘాజీ, భారతదేశంతో యుద్ధం ఇస్లామిక్ యుద్ధం కాదని పేర్కొంటూ
పాకిస్తాన్ తన సొంత ప్రజలపై బాంబులు వేసుకుంటోంది
సొంత పౌరులపైనే పాక్ ప్రభుత్వం హింసను ప్రయోగిస్తోంది.
ఇస్లామాబాద్లోని లాల్ మసీదు మతాధికారి అబ్దుల్ అజీజ్ ఘాజీ సంచలన ప్రకటన
దిశ, వెబ్ డెస్క్: ఇస్లామాబాద్ లోని వివాదాస్పదమైన మతాధికారి అబ్దుల్ అజీజ్ ఘాజీ, భారతదేశంతో యుద్ధం ఇస్లామిక్ యుద్ధం కాదని పేర్కొంటూ పాకిస్తాన్ ప్రభుత్వంపై తీవ్ర దాడి చేశారు. ఇస్లామాబాద్లోని లాల్ మసీదులో చేసిన ఒక ఆవేశపూరిత ప్రసంగంలో, ఈ మతాధికారి, దేశంలో తీవ్రతరం అవుతున్న సంక్షోభాన్ని సూచిస్తూ, పాకిస్తాన్ తన పౌరులపై వ్యవస్థాగత హింసను ప్రయోగిస్తోందని ఆరోపించారు.
లాల్ మసీదులో శుక్రవారం ప్రార్థనల సందర్భంగా అజీజ్ ఘాజీ “పాకిస్తాన్ మరియు భారతదేశం మధ్య యుద్ధం జరిగితే, మీలో ఎంతమంది పాకిస్తాన్కు మద్దతు ఇస్తారు? మీ చేతులు పైకెత్తండి.” అని ప్రజలను ఉద్దేశించి అడిగారు, మసీదులోని జనసమూహం ఈ ప్రశ్నకు నిశ్సబ్దం పాటించింది. వారి నుంచి ఎలాంటి ప్రతిస్పందనా లేకపోవడం ఈ మతాధికారి గమనించారు. 'చాలా తక్కువ చేతులు మాత్రమే కనిపిస్తున్నాయి. అంటే మంచి స్థాయిలో అవగాహన అభివృద్ధి చెందింది. సమస్య ఏమిటంటే పాకిస్తాన్ మరియు భారతదేశం మధ్య యుద్ధం ఇస్లామిక్ యుద్ధం కాదు' అని పేర్కొన్నారు.
