Agniveer Air Recruitment: దేశ సేవ చేయాలనుకునే వారికి గుడ్ న్యూస్..అగ్నివీర్ ఎయిర్ రిక్రూట్ కోసం దరఖాస్తులు.. అర్హతలు ఇవే

దిశ, వెబ్ డెస్క్: Agniveer Air Recruitment: భారత సైన్యంలో చేరడం ద్వారా మీరు దేశానికి సేవ చేయాలి అనుకుంటున్నారా. సైన్యంలోనే మీ కెరీర్ ప్రారంభించాలి అనుకుంటున్నారా. అయితే అగ్నివీర్ స్కీం ఓ చక్కటి పథకం అని చెప్పవచ్చు. దీని ద్వారా భారత సైన్యం లోకి యువతరం ప్రవేశించే అవకాశాలు లభిస్తుంది. ప్రస్తుతం భారత వాయుసేన అగ్నివీర్ రిక్రూట్మెంట్ చేపట్టింది. దీని కింద దరఖాస్తులను ఆహ్వానించింది. ఆసక్తి ఉన్నవారు కింది వివరాలను తెలుసుకొని అప్లై చేసుకోవచ్చు. దేశం పట్ల అంకితభావం కలిగిన యువతీ యువకులు ఈ అవకాశాన్ని వినియోగించుకోవాలని భారత వాయి సేన కోరింది.

చివరి తేదీ ఎప్పుడు?

ఈ నియామకానికి దరఖాస్తు చేసుకోవడానికి ఇష్టపడే అభ్యర్థులు 11 మే 2025 వరకు దరఖాస్తు చేసుకోవచ్చు, ఆసక్తి గల అభ్యర్థులు ఈ తేదీన లేదా అంతకు ముందు దరఖాస్తు చేసుకోవాలి.

ఎలా దరఖాస్తు చేయాలి?

ముందుగా, అభ్యర్థులు https://agnipathvayu.cdac.in/AV/ అధికారిక వెబ్‌సైట్‌ను సందర్శించాలి.

>> ఆ తర్వాత అభ్యర్థులు హోమ్‌పేజీలోని సంబంధిత లింక్‌పై క్లిక్ చేయాలి.

>> దీని తరువాత అభ్యర్థులు తమను తాము నమోదు చేసుకోవాలి.

>> రిజిస్ట్రేషన్ తర్వాత, అభ్యర్థులు తమ దరఖాస్తు ఫారమ్‌ను నింపాలి.

>> దరఖాస్తు ఫారమ్ నింపిన తర్వాత, అభ్యర్థులు దానిని Submit చేయాలి.

>> ఆ తర్వాత అభ్యర్థులు కన్ఫర్మేషన్ పేజీని డౌన్‌లోడ్ చేసుకుని ప్రింటవుట్ తీసుకోవాలి.

విద్యార్హత:

ఈ ఉద్యోగానికి దరఖాస్తు చేసుకునే అభ్యర్థులు 10వ తరగతి లేదా తత్సమాన విద్యార్హత కలిగి ఉండాలి.

కనీస శారీరక ప్రమాణాలు పురుషులకు కనీస ఎత్తు 162 సెం.మీ, మహిళలకు కనీస ఎత్తు 152 సెం.మీ ఉండాలి. ఈశాన్య లేదా ఉత్తరాఖండ్ కొండ ప్రాంతాలకు చెందిన మహిళలకు కనీస ఎత్తు 147 సెం.మీ, లక్షద్వీప్ మహిళలకు 150 సెం.మీ ఉండాలి.

బరువు: ఎత్తు, వయస్సుకు సరైన నిష్పత్తి:

దృష్టి సామర్థ్యం: 6/12 నుండి 6/6. కార్నియల్ సర్జరీ చేయించుకోకూడదు.

సంబంధిత సబ్జెక్టుకు సంబంధించిన మరిన్ని వివరాల కోసం అభ్యర్థులు అధికారిక వెబ్‌సైట్‌ను సందర్శించవచ్చు.