హైదరాబాద్ టూ ఆస్ట్రేలియా.. భారీగా డ్రగ్స్ స్వాధీనం

దిశ, వెబ్‌డెస్క్: హైదరాబాద్‌లో మరోసారి భారీగా డ్రగ్స్‌ పట్టుబడ్డాయి. నగరంలోని కొరియర్ కార్యాలయంలో మూడు కేజీల డ్రగ్స్ పార్శిల్‌ను ఎన్సీబీ అధికారులు శనివారం స్వాధీనం చేసుకున్నారు. హైదరాబాద్ నుంచి ఆస్ట్రేలియాకు తరలిస్తుండగా ఈ డ్రగ్స్‌ను సీజ్ చేసినట్లు పోలీసులు వెల్లడించారు. ఈ డ్రగ్స్‌ను సరఫరా చేస్తోన్న తమిళనాడులోని చెన్నై నగరానికి చెందిన వ్యక్తిని అదుపులోకి తీసుకొని విచారిస్తున్నారు. అంతేగాకుండా.. ఈ కేసులో కీలక సూత్రదారులుగా వ్యవహరించిన విశాఖకు చెందిన ఒకరితో పాటు హైదరాబాద్‌లో ఉన్న ముగ్గురు బీహారీలను అరెస్ట్ చేశామని స్పష్టం చేశారు.